Futbollistët shqiptarë në super formë, dy prej tyre në formacionin e javës

Futbollistët shqiptarë në super formë, dy prej tyre në formacionin e javësK. Demiraj

Sport

Që pas rikthimit në kombëtaren shqiptare, Taulant Xhaka po kalon një formë fantastike me Bazelin.

Pas paraqitjes së shkëlqyer në Champions League ndaj Spartakut të Moskës, mesfushori shqiptar ka shkëlqyer edhe ndaj Thunit në Superligën zviceriane, duke qenë një ndër futbollistët më të mirë në fushën e lojës.

Bazeli fitoi 2-1, ndërkohë që në formacionin e javës ka pasur vend për Taulantin.

Sakaq edhe Albian Ajeti është lojtari tjetër shqiptar që është pjesë e formacionit më të mirë të javës në Zvicër.

20-vjeçari i talentuar shënoi golin e rezultatit të përkohshëm 2-0, duke realizuar golin e pestë për këtë sezon. Ai i dërgon një tjetër sinjal trajneri Panucci për ta pasur në ekip në të ardhmen.

JOQ.al