Masakroi me thikë shqiptaren në Londër, dënohet me burg të përjetshëm 29-vjeçari

Masakroi me thikë shqiptaren në Londër, dënohet me burg të përjetshëm 29-vjeçariS. Bardhi

Lajme

Është dënuar me burgim të përjetshëm një 29-vjeçar në Angli i cili në muajin maj të këtij viti vrau me thikë shqiptaren Romina Kalaci, 32-vjeçe.

Vrasja makabër ka ndodhur në Queen’s Park të Londrës.

Mediat britanike bëjnë me dije se Noor Mohammad, 29-vjeç eshte shpallur fajtor per vrasjen e Romina Kalaci, 32-vjec, në shtëpinë e saj në Fernhead Road, më 22 Maj të këtij viti.

Vajza u gjet e vdekur një javë më vonë, pasi policia u detyrua ta hapte me forcë derën e saj të shtëpisë, përcjell "Panorama". Romina ishte me dy shtetësi, italo-shqiptare dhe jetonte në Britani që prej 2016 -ës. Ajo e reklamonte shërbimin e saj si eskortë edhe ne një website, mënyre nga e cila kishte rënë në kontakt edhe me vrasësin e saj.

I riu i kishte shkuar në apartamentin ku banonte shqiptarja dhe kishte marre me vete edhe një thikë kuzhine.

Viktima u gjet me plagë në kokë e në trup, dhe gjatë hetimit gjykatësi e cilësoi sulmin si “kafshëror”.

Pas krimit të tmerrshëm, ai u përpoq të fshihte telefonin dhe rrobat e tij dhe të pretendonte pafajësinë derisa nisi gjyqi.

Gjetja e trupit të saj u bë pas alarmit që dhanë fqinjët se kishin ndjerë erë të rëndë të vinte nga banesa e saj.

Në kohën e mbërritjes së policisë, telefoni i saj binte pa pushim, ndërkohe që rezultoi se vetem pak para se ta vrisnin ajo kishte biseduar me familjen.

JOQ.al