Dy granata në oborr të shtëpisë, tmerrohet familja në Berat

Dy granata në oborr të shtëpisë, tmerrohet familja në BeratD. Cani

Lajme

Dy granata janë hedhur në oborrin e një shtëpie mëngjesin e sotëm në fshatin Drenovicë në urën Vajgurore, Berat.

Policia e Beratit njoftoi se njëra prej tyre ka shpërthyer duke alarmuar 6 anëtarët e familjes dhe duke dëmtuar murin e banesës.

Antoneta Hoxha, gruaja e shtëpisë, tregon se nuk ka asnjë konflikt dhe nuk e ka idenë se kush mund të ketë qenë.

Ajo u shpreh:

Ngjarja na ka alarmuar të gjithëve, ishim në gjumë dhe kemi dëgjuar shpërthimin e madh, nuk kemi konflikt me askënd”.

Në njoftimin e policisë thuhej:

Dy granata ofensive u hodhën sot në banesën e familjes Hoxha, njëri prej të cilave shpërtheu, ndërsa tjetra u caktivizua nga policia. Burime nga blutë e Beratit bëjnë me dije se po punohet për të zbardhur ngjarjen, por ende nuk ka persona te shoqëruar në polici.

JOQ.al