“Vendi po kërcënohet, kreu i SHISH u shantazhua”, Nishani bën deklaratën e fortë

“Vendi po kërcënohet, kreu i SHISH u shantazhua”, Nishani bën deklaratën e fortëS. Shtjefni

Lajme

Ish-Presidenti i Republikës, Bujar Nishani është shprehur se ikja e kreut të SHISH, Visho Ajazi Lika ka ardhur si pasojë e shantazheve të vazhdueshme nga politika.

Nishani duke u shprehur i befasuar nga ikja e tij thekson se arsyet kanë qenë tepër të forta përderisa detyruan atë të largohet.

Kreu i SHISH paraqiti dorëheqjen ditën e djeshme, ndërsa nuk ka një arsye të qartë që e detyroi të merrte këtë vendim.

Në intervistën për Panoramën, Nishani tha:

Nuk kam asnjë informacion se cilat kanë qenë arsyet e dorëheqjes së z. Visho Ajazi Lika. Mund t’ju them se kam mbetur i befasuar dhe shumë i keqardhur nga kjo situatë e krijuar në njërin prej institucioneve më të rëndësishme të vendit dhe shumë specifike, për më tepër, në situatën aktuale që lidhet me sigurinë nga kërcënimet, qoftë me terrorizmin, qoftë me krimin e organizuar. Kam patur dhe ruaj një eksperiencë të shkëlqyer nga bashkëpunimi me të dhe e vlerësoj për profesionalitetin, maturinë dhe gjakftohtësinë, me të cilën ka menaxhuar punën dhe sfidat. Me siguri që dorëheqja ka arsye shumë të forta, për një natyrë si ajo që kam njohur unë tek z. Ajazi.”/Intervista e plotë gjendet në formatin print.

JOQ.al