Rrëfimi rrëqethës i kapitenit të Tiranës: Si e mposhta tumorin… Zoti më dha një tjetër shans

Rrëfimi rrëqethës i kapitenit të Tiranës: Si e mposhta tumorin… Zoti më dha një tjetër shansK. Demiraj

Sport

Kapiteni i Tiranës, Gentian Muça prej muajsh nuk ka zbritur në fushën e lojës për shkak të një dëmtimi. Gjithsesi e vërteta ka qenë ndryshe dhe këtë e zbulon vetë Genti.

Gjatë muajve të fundit, ai ka kaluar ndoshta periudhën më të keqe të jetës së tij. Ai ka treguar se doktorër i kishin zbuluar një tumor beninj dhe i është nënshtruar një fazë riaftësuese, e cila duket se tashmë ka kaluar me sukses.

Ky është rrëfimi i futbollistit për "Panorama Sport":

Në një intervistë për të përditshmen “Panorama Sport”, Muça zbulon gjithçka me një pohim tronditës: “Muaji i fundit nuk ka qenë aspak i lehtë për mua. Në korrik u diagnostikova me “displazi fibroze”, që është një masë tumorale beninje. E kisha te qafa e femurit të majtë.

Kur fillova rahabilitimin pas ndërhyrjes, kisha dhimbje te rrëza e kofshës së majtë dhe bëra disa kontrolle dhe biospi në Shqipëri e më pas në Itali. Ishte e njëjta diagnozë. Ishte masë tumorale beninje, e lokalizuar me pak fjalë.

Më 10 tetor bëra operacionin, që zgjati rreth 3 orë. Mjekët italianë më kanë vendosur një material me fribra karboni për të forcuar strukturën e kockës. Nuk e bëra publike këtë gjë, për shkak të familjes. Shyqyr Zotit, gjithçka shkoi mirë dhe dua të falenderoj të gjithë ata që më ndihmuan në këtë moment të vështirë. Zoti si duket më dha një tjetër shans” – ka treguar Muca.

JOQ.al