Artan Hoxha bën deklaratën e fortë: Zyrtarë me poste të larta në Shqipëri trafikojnë drogëra të forta

Artan Hoxha bën deklaratën e fortë: Zyrtarë me poste të larta në Shqipëri trafikojnë drogëra të fortaF. Tenolli

Lajme

I ftuar mbrëmjen e sotme në emisionin “Të Paekspozuarit” moderuar nga Ylli Rakipi, ishte gazetari investigativ Artan Hoxha.

Ai deklaroi se në Shqipëri ka zyrtarë në poste të larta, të cilët merren me trafikimin e drogave të forta.

Hoxha shtoi se një pjesë e mirë e bizneseve private janë bërë me këto para të pista nga përfitimi i parave të drogës.

Artan Hoxha u shpreh:

Një pjesë e një bizneseve që ne i njohim si të suksesshme në Shqipëri e kanë fillesën tek trafiku i drogave të forta. Ndërtimi është një nga bazat kryesore. Kini parasysh se ku ka pasur më shumë ndërtime. Sikleti i madh që shoh sot është se si është e mundur që njerëz që merren me droga të forta kanë qenë të emëruar zyrtarë në poste të rëndësishme në Shqipëri? Xhafaj tha krimi ka investuar fort në media e portale që përpunojnë opinionin publik. Ai nuk e thotë se kush janë këto media, se aty kanë shkuar elita politike e vendit dhe ambasadorët. Xhafaj duhet të ndajë mendjen e të thotë se kush janë mediat e financuara nga trafiku i drogës.

JOQ.al