Vrau me gjakftohtësi komisarin Artan Cuku, kamerat fokusojnë gjestet e pazakonta të 24-vjeçarit në sallë

Vrau me gjakftohtësi komisarin Artan Cuku, kamerat fokusojnë gjestet e pazakonta të 24-vjeçarit në sallëF. Tenolli

Lajme

Mikel Shallari, i akuzuar për vrasjen e kryekomisarit Artan Cuku, kërkon të rifitojë lirinë nëpërmjet avokatit të tij i cili ka kërkuar rivlerësim të masës së sigurisë.

Shallarit i është dhënë masa “Arrest në burg” dhe avokati i tij i ka paraqitur Gjykatës së Krimeve të Rënda kërkesën për ndryshimin e masës në “Detyrim paraqitje”.

Ai i tha trupës gjykuese se afati tremujor kishte përfunduar dhe se kërkonte të dinte deri në ç’pikë kishte arritur hetimi nga prokuroria.

Gjithashtu ai ka kërkuar që seanca të zhvillohej me dyer të mbyllura pasi klientit të tij i rrezikohej jeta.

24-vjeçari e ka pranuar krimin e kryer dhe ka rrëfyer se porositësit kanë qenë disa persona nga Jugu i vendit.

I riu ka shfaqur shenja tensioni të theksuara në gjyq, duke fërkuar duart me forcë dhe duke tundur këmbët në shenjë ankthi.

Ai po mbahet në paraburgim që prej 10 qershorit të këtij viti.

JOQ.al