Kush është Qamile Tahiri, vajza nga Kosova në krye të xhihadisteve të ISIS?

Kush është Qamile Tahiri, vajza nga Kosova në krye të xhihadisteve të ISIS?A. Shehaj

Lajme

2.200 është numri i grave që vlerësohet të jenë pjesë e organizatës së ISIS, prej të cilave 70 janë shqiptare nga Ballkani, ndërsa numri i luftëtarëve është mbi 24,000. Këto shifra sigurisht duhet të përdoren me mjaft kujdes sepse të gjitha informacionet nga territoret irakiane dhe siriane të kontrolluara nga IS që nga viti 2013 vijnë nga burime relativisht të pabesueshme.

Shumë nga anëtarët e organizatës janë perëndimore. Këto janë të famshmit “Muhajirat” (emigrantë) të cilët erdhën në “Xhihad” në Irak dhe Levant. Agjencia e lajmeve “Persheva Jonë” shkruan se 10% e grave ne ISIS janë nga vendet evropiane (rreth 220 gra dhe vajza të reja) nga Franca (60), Britania (50), shqiptare 70, vetëm nga Kosova (40), pastaj nga Gjermania, Belgjika apo vende të tjera evropiane.

Ky konfiguracion është relativisht i jashtëzakonshëm se kurrë më parë, mobilizimet transnacionale xhihadiste nuk kishin numëruar kaq shumë gra në radhët e tyre. Të gjithë iu përgjigjën thirrjes së Al-Bagdadit për të ardhur në këtë territor të ri mysliman, duke justifikuar migrimin në shtëpinë e Islamit si detyrë.

Qamile Tahiri është komandantja e re në radhët e ISIS-it. Nën patronazhin e saj, dhjetëra shqiptarë nga Kosova, Shqipëria dhe Maqedonia erdhën në radhët e shtetit islamik. Dorë e saj e djathtë mësohet të jetë femra tjetër, po ashtu nga Kosova Laura Huseni.

Qamile Tahir vetëm 23 vjeçe, drejtuese e dhjetëra femrave shqiptare në radhët e ISIS-it, gjendet në ballë të trajnimit kampet e grave xhihadiste në “shtetin islamik” në Siri.

Ajo është konsideruar gjithashtu një nga femrat më radikale të luftëtarëve ISIS nga rajoni. Gratë e këtij grupi janë nga mosha 18 deri në 25 vjeç. Ndër to ka shumë gra nga perëndimi, të cilat rriten në internet dhe që kanë marrë besimin islam.

Trajnimi në këtë brigadë zgjat rreth një muaj. Anëtarët mbajnë armë dhe mund të jenë luftëtare ose një lloj policie brenda radhëve të ISIS-it.

Roli i tyre nuk është vetëm që të jenë “nuset e xhihadistëve”, por shumë më i gjerë dhe më i rëndësishëm se sa pjesëmarrja në betejat. Roli i tyre është kryesisht për të rekrutuar anëtaret e rejat nga e gjithë bota, kryesisht ne fushë-beteja, por edhe nëpërmjet internetit.

JOQ.al