“Për çapaçulët që hanë plehra e pasurohen kur babai ikën i varfër”, “Sidriti flet plotë mllef

"Për çapaçulët që hanë plehra e pasurohen kur babai ikën i varfër", "Sidriti flet plotë mllefA. Shehaj

Thashetheme

Artisti Sidrit Bejleri, pas përcjelljes për në banesën e fundit të mjeshtrit Aleksandër Lalo, i cili ndërroi jetë në moshën 68-vjeçare, ka shpërthyer përmes një statusi në rrjetet sociale.

Bejleri shprehet se është i mbushur me mllef për të gjithë ata që i cilëson "çapaçulë" dhe që po pasurohen në kurriz të muzikës së baballarëve të tyre.

Ndër të tjera, këngëtari shkruan në statusin e tij se shumë "yje" të "showbizit" shqiptar munguan në përcjelljen e mjeshtrit Lalo.

Shkrimi i plotë i Sidrit Bejlerit:

Sot(dje) në drekë, tek po prisnim të përcillnim trupin e të ndjerit, mjeshtrit Aleksandër Lalo, vura re me keqardhje, por nuk u surprizova, se mungonin shumë “yje” të “showbizit” shqiptar.

Nuk e kam për ata që e kishin të pamundur të vinin nga largësia dhe varet sa e njihnin.

E kam për ata që rendin kush e kush të shkojë sa më shpejt në “dasmat vip”, ftuar e pa ftuar…

E kam për ata që pretendojnë se po bëjnë “muzikë” dhe “art” në këto kohë të “arta të muzikës”.

E kam për “çapaçulët” që nuk dinë dhe s’kanë për ta kuptuar kurrë sa vlerë dhe peshë ka për t’u bërë Arti i Vërtetë.

Mjeshtrat po ikin një nga një dhe vështirë të zëvendësohen e për më tepër Arti që na dhuruan.

E di që kohët ndryshojnë, por të zezës nuk i them dot e bardhë.

E kam sërish me “çapaçulët”

Kush nuk respekton rrënjët dhe baballarët e vet nuk i mbetet gjë pas, e vërtetuar kjo.

Si të hash “plehra”, po “plehra” do prodhosh.

Kam mllef, po po, kam mllef sepse e di mirë çfarë arti na dhuruan Kujtim Laro e Aleksandër Lalo me shokë.

Se “çapaçulët” janë bërë të pasur dhe harrojnë se baballarët ikën të varfër, por pasurinë e lanë prapa.

…dhe “çapaçulët” vazhdojnë të qelbin ajrin dhe realitetin që me aq mund e sakrifica na e lanë të pastër baballarët tanë…

TURP!!!

Kujt t’i djegë le ta mbajë!

JOQ.al