Vdekja e 12-vjeçarit në Belsh, e ëma: Si e gjeta të varur në litar tek kasollja e bagëtive

Vdekja e 12-vjeçarit në Belsh, e ëma: Si e gjeta të varur në litar tek kasollja e bagëtiveA. Shehaj

Lajme

Foto ilustruese

Një fëmijë i moshës 12-vjeçare i ka dhënë fund jetës duke u varur në kasollen e bagëtive në fshatin Belsh, ku edhe jetonte. Ngjarja e rëndë ka tronditur familjarët, të cilët e kanë gjetur të varur dhe e kanë hequr vetë nga litari me të cilin ishte mbytur.

Mister ka ngelur kjo ngjarje dhe motivet që çuan 12-vjeçarin E.E. drejt një veprimit ë tillë. Ka qenë e ëma ajo që e ka parë të birin të varur në kasollen e bagëtive. Drekën e së mërkurës nëna e kërkoi nëpër shtëpi për të ngrënë sëbashku, por pasi nuk e gjeti në banesë, iu drejtua kasolles, ku 12-vjeçari ishte varur.

Ishte i ati ai që ia hoqi litarin nga fyti me shpresën se do të ishte gjallë, por E.E. kishte ndërruar jetë.

Para policëve, "Panorama" shkruan se e ëma ka thënë se nuk kishte ndonjë dyshim në lidhje me gjendjen psikologjike të të birit.

Ajo është shprehur:

Asnjëherë nuk kemi vënë re shenja që fëmija ynë të ishte i ngarkuar psikologjikisht. Asnjëherë nuk e kemi keqtrajtuar apo t’i kemi bërtitur. Si çdo prind kemi kërkuar më të mirën për fëmijën tonë. Nuk kemi asnjë dyshim, nuk dimë si ta quajmë këtë tragjedi”

JOQ.al