Panuçi njeriu i surprizave: Do afroj sërish disa futbollistë të rinj në Kombëtare

Panuçi njeriu i surprizave: Do afroj sërish disa futbollistë të rinj në KombëtareK. Demiraj

Sport

Trajneri i kombëtares shqiptare, Kristian Panuçi, ka dalë sot në një konferencë për shtyp duke analizuar situatën në Përfaqësuesen kuqezi.

Si të mos mjaftohej me Qakën dhe Ajdareviç, Panuçi deklaroi se do të grumbullojë 2-3 lojtarë të rinj në miqësoren e marsit, ndërkohë që është duke ndjekur 5-6 të tillë.

“Do grumbullohemi në mars për një miqësore ku do marrim dy tre lojtarë që duam t’i shohim për kombëtaren. Kemi 6 muaj kohë për të formuar grupin që do të provojë të arrijë Europianin. Jam duke vëzhguar 5-6, por nuk them emra sepse janë lojtarë të rinj dhe më mirë mos të them emra. Gjithashtu ndryshe kur i shikon nga afër dhe ndryshe në video”, u shpreh Panuçi.

JOQ.al