Shqiptari “kokë” e grupit të “pluhurit të bardhë”, nga punëtor fabrike në “kumbar” kokaine në Itali

Shqiptari "kokë" e grupit të "pluhurit të bardhë", nga punëtor fabrike në "kumbar" kokaine në ItaliF. Tenolli

Lajme

Sipas mediave italiane, policia ka lëshuar 6 urdhër-arreste për anëtarët e një organizate italo-shqiptare të cilët akuzohen për trafikimin e “pluhurit të bardhë”.

Gjatë operacionit të quajtur “ZZ” janë vënë në pranga tre persona dhe janë shpallur në kërkim 3 të tjerë.

Në grupin e përbërë nga shqiptarë dhe italianë ka spikatur emri i një ish-futbollisti italian të Serisë B.

47-vjeçari Giorgio Camporese është ish-futbollisti i cili u përfshi në shpërndarjen e lëndës narkotike me pjesën tjetër të grupit, duke shfrytëzuar njohjet e tij te shumta për shitjen e saj.

“Koka” e grupit të trafikimit ishte shqiptari Selim Osmani, një punëtor i thjeshtë në një mobilieri, i cili më pas kishte marre me qira hapësira magazinash dhe i kishte shndërruar në depozita për drogën.

Kohë më parë Osami ishte emëruar administrator i fabrikës së mobiljeve “Carma Cucine” në Colle Umberto.

Ai kishte që dikur punëtor aty dhe kishte rritur statusin e tij duke u bërë aksioner.

Në pranga u vunë gjithashtu edhe shqiptaret Ermir Kola, 31 vjeç dhe Klaudjan Koka 28 vjeç si dhe ish-futbollisti italian Giorgio Camporese.

Në kërkim janë shpallur 50-vjeçari Selim Osmani dhe vëllezërit e tij Florian dhe Shkëlzen 26 dhe 36 vjeç.

Gjithashtu gjatë një operacioni në Steven Trentin, ku u gjet një sasi e vogël kokaine, u vu në pranga edhe Artan Ginaj.

Banda ishte nën hetim prej më shumë se një viti dhe nga kontrollet e ushtruara janë gjetur disa kilogramë kokainë.

JOQ.al