Aksident në Fier-Vlorë, dy persona në gjendje të rëndë

Aksident në Fier-Vlorë, dy persona në gjendje të rëndë

Dy persona kanë mbetur të plagosur si pasojë e një aksidenti të rëndë të ndodhur rreth mesditës së sotme.

Një makinë tip “Benz” me targa AA859EV, është përplasur me një makinë që merret me mirëmbajtjen e rrugëve, e cila ishte e parkuar.

Ngjarja ka ndodhur në segmentin rrugor Vlorë-Fier, ku për pasojë ka mbetur i plagosur rëndë drejtuesi i makinës tip “Benz”, si dhe pasagjeri që udhëtonte me të.

Mësohet se dy të plagosurit ndodhen në gjendje kritike, ndërkohë që janë dërguar me urgjencë në spital.

Nuk dihen ende rrethanat e ngjarjes, ndërsa policia po punon për zbardhjen e tyre. /a.y/noa.al

Foto ilustruese

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.