Alarm virtual, “Divat” e Instagramit po bëhen shoqërueset numër një të sheikëve

Alarm virtual, "Divat" e Instagramit po bëhen shoqërueset numër një të sheikëveL. Çela

Vec-e-jona

Për të hapur Instagramin, duhet të përgatitesh mirë shpirtërisht, madje të marrësh edhe ndonjë ilaç zemre. Shqiptarët, edhe pse ankohen nga mëngjesi në darkë, shndërrohen në DIVA dhe BOSSA.

Për të dytët mund të flasim një herë tjetër, pasi sot do të trajtojmë të parat.

Ky rrjet social është reklamuesi më i madh i falsitetit që kemi si shoqëri. Ama, dikush ka arritur ta kthejë në realitet fitimprurës. DIVAT shqiptare kanë me mijëra ndjekës dhe kanë arritur ta kthejnë edhe në biznes fitimprurës. Nuk po flasim për reklama, por për materializëm dhe shitje trupi.

Asnjë çudi. “Top modelet” e vetëshpallura me përshkrimet në BIO kanë tërhequr vëmendjen me reklamimin pa sens të shalëve dhe gjoksit.

Shumë prej tyre, pa dashur të përgjithësojmë, janë kthyer edhe në shoqërueset numër një të sheikëve arabë. Pushimet e shtrenjta, veshjet firmato dhe jeta e luksit u atribuohet sponsorizuesve sekretë dhe, sigurisht, trupit të tyre.

Një fenomen i tillë është në rritje. Shqetësues është edhe mesazhi që përcjellin këto DIVA te brezat e rinj, pasi kanë gjithçka pa djersë. Na falni, se djersë nxjerrin…

JOQ.al