“Atdheut i janë ngatërruar zorrët o hipokritë”, shkrimtarja ironizon me Skënderbeun në monolog

"Atdheut i janë ngatërruar zorrët o hipokritë", shkrimtarja ironizon me Skënderbeun në monologS. Bardhi

Lajme

Aktivitetet politike për 28 dhe 29 Nëntor nuk i kanë shpëtuar syrit kritik të shkrimtares Flutura Açka.

Açka ka bërë një postim një Facebook ku shënjestron klasën politike por edhe të ashtuquajturën elita shqiptare.

Shkrimtarja e vendos deklaratën e saj në një monolog me Skënderbeun që rri dhe shikon përreth dhe më pas numëron një nga një “veprat e mira” që janë bërë në vend.

Statusi i plotë i Flutura Açkës në Facebook

Monologu i Skënderbeut në passhpinë:

“Ah, sikur në vend të robve të kishte vetëm flamurë në radhë para meje! Por ç’e do, në kohët e reja, prej akrobacive politike, i janë ngatërruar zorrët Atdheut, nuk e di i mjeri më ku e ka kokën, e ku i ka këmbët. Duartrokit, moj elitë hipokrite!

– Valbona e shkatërruar

– Vjosa e kërcënuar

– Llogaraja e gërryer

– Tomorri i sakatuar

– Tirana e betonuar

– Puset e matrikulluar

– Kanabisi i certifikuar

– Media e parcelizuar

– Çmimet të globalizuar

– Leku i diskretituar

– Bankat akaparuar

– Spiunët të nderuar

– Diktatura e rehabilituar

– Populli i duruar

Uh… paska shumë. Mbaroi dhe ceremonia, të tjerat i dini vetë, o shqiptarë! I juaji, Skënderbeu!”

JOQ.al