Çudit Hamdi Salihi: Jam gati të rikthehem në Kombëtare

Çudit Hamdi Salihi: Jam gati të rikthehem në KombëtareK. Demiraj

Sport

Hamdi Salihi po kalon një rini të dytë në Austri me ekipin e Wiener Neustadt ku deri tani këtë sezon ka shënuar plot 13 gola duke udhëhequr listën e golashënuesve.

I pyetur për rikthimin e mundshëm në Kombëtare pas formës së mirë që po kalon, 33-vjeçari është i vetëdijshëm për realitetin edhe pse shprehet gjithmonë i gatshëm për të dhënë kontributin e tij.

Në prononcimin për "Supersportin" ai u shpreh:

Kam treguar se nuk jam kyrsyer asnjëherë për të qenë pjesë e Kombëtares edhe kur luaja në Amerikë apo në Kinë. Kam ardhur gjithmonë me dëshirë. Çdo gjë në shërbim të ekipit Kombëtar, do të kisha qenë i gatshëm për tu afruar apo për ta ndihmuar. Por, duhet të jemi pak realistë: vitet ecin dhe normalisht që trajneri besoj që ka plane të tjera. Përtej gjendjes dhe formës momentale të lojtarëve, i duhet të bëjë edhe vlerësime afatgjata. Por, kur do të jetë nevoja unë jam gjithmonë gati për të ndihmuar ekipin Kombëtar.

JOQ.al