Detaje nga operacioni i 10 tonëve: Duhej të kaloje përmes varrezave për tek shtëpia e drogës

Detaje nga operacioni i 10 tonëve: Duhej të kaloje përmes varrezave për tek shtëpia e drogësA. Shehaj

Lajme

Të tjera detaje janë bërë me dije pas sekuestrimit të 10 ton droge në fshatin Babicë të Vlorës. Gazetari Enrik Mehmeti shprehet se për të shkuar në banesën ku ishte mbajtur lënda narkotike, duhej të kaloje përmes varrezave të qytetit bregdetar.

Vendi i mbajtjes së drogës ishte një pikë strategjike, ndërsa hetimi është mbajtur mjaft i fshehtë. Gjatë natës që lamë pas ka qenë kryeprokurori Adriatik Llalla ai që ka zhvilluar një takim me prokurorët e Krimeve të Rënda, të cilët kishin në dorë një hetim 1-vjeçar që lidhej me trafikun e lëndëve narkotike nga Vlora në drejtim të Italisë.

Llalla ka kërkuar që të veprohej në finalizimin e këtyre hetimeve, nisur edhe nga arrestimet e fundit të kryera në Siçili të Moisi Habilajt e dy shqiptarëve të tjerë, siç mëson "Panorama".

Disa persona janë shoqëruar në komisariat, ndërsa vijon hetimi, i cili pritet të zgjasë edhe në ditët në vijim në qytetin e Vlorës e jo vetëm në fshatin Babicë.

Kapen 10 ton drogë në Vlorë/ "I përket klanit Rama-Tahiri", u kap në vilën e këtij "personaliteti"

Zbulohet qëllimi i kapjes së 10 tonëve drogë në vilën në Vlorë, do arrestohej ky "mafioz"

JOQ.al