Djali i Ronaldos meriton një çmim, bashkoi dy “armiqtë” më të mëdhenj

Djali i Ronaldos meriton një çmim, bashkoi dy "armiqtë" më të mëdhenjL. Çela

Sport

Ylli i mbrëmjes gala të FIFA-s në Londër për dhënien e çmimeve në futboll nuk ishte asnjëri prej atyre që u përfshinë në 11-shin e vitit, por djali i sulmuesit Cristiano Ronaldo, Cristiano Jr.

Djaloshi bëri atë që nuk e kishte arritur askush më përpara, bashkimin e dy lojtarëve më të mirë të momentit, Ronaldo dhe Lionel Messi. Ai iu afrua argjentinasit dhe nuk ngurroi për t'ia shprehur admirimin që ka për të.

Ronaldo, edhe pse u shpall "Lojtari më i mirë i vitit", nuk e pati aspak problem që i biri pati një kontakt me "Pleshtin", ashtu si para dy vitesh. Edhe ai iu afrua yllit të Barcelonës dhe biseduan së bashku.

Ndryshe nga vitet e tjera, Barcelona u tregua e gatshme për të dërguar lojtarët e saj në ceremoninë e FIFA-s, edhe pse fituesi i çmimit kryesor do të ishte një madrilen.

JOQ.al