“E bukura dhe bisha”, martohet sportistja e njohur

“E bukura dhe bisha”, martohet sportistja e njohur

E veshur me të bardha, sportistja e njohur në nivel botëror tha “po”. Tenistja e njohur Serena Williams kurorëzoi dashurinë e saj me Alexis Ohanian.

Pranë tyre ishte edhe vajza e çiftit Alexis Olympia Ohanian Jr., e ardhur në jetë rreth një muaj e gjysmë më parë si dhe shumë miq.

Të pranishëm ishin që nga Beyoncé, Kim Kardashian, Eva Longoria dhe Anna Wintur.

Tema e ceremonisë ishte “E bukura dhe bisha”, me shumë lule dhe një orkestër gjigante.

Ishte pikërisht bashkëshorti i Serenës ai që postoi një sërsë fotografish në Instagram duke shkruar, “Je më e madhja jo vetëm në sport, por edhe si nënë dhe grua. Me zor po pres të shkruajnmë shumë kapituj të përrallës sonë. Nuk e kisha kuptuar se sa shumë e kam pritur gjatë gjithë jetës këtë moment. Të jam mirënjohës dhe jam shumë i dashuruar me ty”.

Kampionia amerikane e tenisit lidhi kurorë me partnerin e saj Alexis Ohanian, themelues i rrjetit social Reddit. /a.y/noa.al

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.