E turpshme: Ermal Mamaqi “tallet keq” me besimtarët myslimanë të Kosovës, ja çka i thotë Kadri Veselit

Ermal Mammaqi gjatë emisionit të tij “Xing” ku të ftuar kishte kreun e PDK-së në Kosovë, Kadri Veseli ka bërë një pyetje dhe një koment që mund të konsiderohet në kufijtë e një skandali.

Mamaqi e pyeti Veselin: “z.Veseli zgjedhjet në Kosovë përkojnë në mes të muajit të Ramazanit. A besoni se kosovarët të uritur do të bëjnë zgjedhjen e duhur? Do votojnë drejt?”

Përgjigja e Veselit ka qenë mëse korrekte duke përcjellë nga ekrani dhe një urim për të gjithë besimtarët myslimanë.

Ndërkohë, moderatori Mamaqi nuk e ka lënë me kaq, pasi pas përgjigjes së Veselit ka thënë, “Shpresojmë që kosovarët të bëjnë zgjedhjen e duhur edhe pse të uritur”

Këto deklarata të Ermal Mamaqit janë tejet tendecioze dhe mund të ofendojnë besimtarët myslimane që po agjerojnë këtë muaj të shenjtë për ta.

Për tu theksuar dhe fakti që numri i besimtarve myslimanë që agjërojnë, si në Shqipëri ashtu edhe në Kosovë është goxha i konsiderueshëm.