Emina Çunmulaj ndihmon familjet në nevojë në Shkodër (Foto)

Emina Cunmulaj ka bërë një vepër që vlen të përshëndet.

Modelja shqiptare ka marrë një aksion për të ndihmuar disa familje në nevojë në Shkodër të Shqipërisë.

Ajo përmes llogarisë personale në Instagram ka ndarë emocionet e para ndërsa nuk po mund t’i beson syve se sa shumë njerëz vuajnë në këtë kohë si shkaku i mungesës së ushqimit.

“Sot ishte një ditë me shumë emocione. Nga varfëria të vuajnë kaq shumë njerëz në këtë kohë është e tmerrshme. E ndjej veten të privilegjuar që arrita ta njoftoj Arbër Hajdarin dhe që më solli t’i ndihmoj disa familje që kishin nevojë shumë të madhe”, ka shkruar Çunmulaj.

Ajo më tutje u ka bërë thirrje edhe njerëzve të tjerë vullnet mirë që t’i ndihmojnë familjet e varfëra.

“Motra dhe miq të dashur. Ju lutem, nëse keni mundësi me sa do qoftë, shkoni dhe shikoni ju për veten se sa njerëz kanë nevojë për ndihmën tonë”, ka shkruar ajo.

Ndryshe, Emina është e martuar me milionerin izraelito-amerikan Sam Nazarian me të cilin ka vajzën Ella.