Është si shkarkesë elektrike/ “Paco”, droga që po shkatërron breza të tërë me efektin e saj

Është si shkarkesë elektrike/ "Paco", droga që po shkatërron breza të tërë me efektin e sajS. Bardhi

Lajme

Valerio Bispuri është fotograf i njohur italian, i cili është vlerësuar në mbarë botën për imazhet që ka fiksuar në kohë dhe vende të ndryshme.

Fotoreporteri nuk e shkrep kamerën në çdo vend, ai preferon të shfaqë anën e botës që pak flitet për të, ato vende ku njerëzimi vuan për bukën e gojës.

Në 10 vjet ai ka vizituar 74 burgje të Amerikës Latine, nga Argjentina në Venezuelë dhe nga Brazili në Peru, duke depërtuar në ato zona ku rojet kanë frikë të hyjnë sepse mund të mos kthehen të gjallë.

“Bëma” e fundit e këtij njeriu të jashtëzakonshëm është një libër i titulluar “Paco, një histori droge”, shkruan “TCH”. Paco është një lloj droge me kosto të ulët dhe që po shkatërron breza të tërë të rinjsh në periferitë e metropoleve amerikano-jugore, duke lënë pas shkatërrim dhe mjerim.

Në pamje të parë është vetëm një gur i vogël i bardhë, i përbërë nga mbetjet e përpunimit të kokainës, që përzihet me xham të grirë dhe që më pas shkrihet në një tub prej metali.

Valerio Bispuri tregon:

Duket si kokainë normale, por efekti i saj është dhjetë herë më i fuqishëm dhe më i menjëhershëm. Është si një shkarkesë elektrike, si një kafshim që zgjat pak sekonda por që më pas nuk të lëshon më. Kush e përdor kthehet në një kanibal të jetës së tij dhe të të tjerëve.”

Libri i tij tashmë është gati. Ai nuk ka nevojë për fjalë, mjafton t’u hedhësh një sy fotove të shkrepura për të kuptuar shkatërrimin dhe mjerimin që kjo “e keqe” po i sjell njerëzimit.

JOQ.al