Fluturon, fluturon… Grezda! Legjionari kuqezi shënon ndaj Dinamos në Kroaci

Fluturon, fluturon… Grezda! Legjionari kuqezi shënon ndaj Dinamos në KroaciL. Çela

Sport

Eros Grezda është në momentin e tij! Mesfushori ofensiv i kombëtares shqiptare sot ka fituar vëmendjen më shumë se kurrë duke i shënuar Dinamos së Zagrebit.

22-vjeçari, i cili me siguri po ndiqet nga skautë të ndryshëm (siç është raportuar prej ditësh në medie), i ka dhënë avantazhin e përkohshëm skuadrës së tij, Osijekut, në ndeshjen e vlefshme për javën e 12-të të kampionatit kroat (0-1).

Kur merr parasysh faktin se Dinamoja kryeson në tabelën e renditjes, rrjeta e Grezdës merr një vlerë shumë më të madhe.

Lojtari kuqezi e kapi topin me të djathtën dhe i dha një goditje të bukur me të majtën. Kaq mjaftoi, sepse ai gjithmonë i bie shkurt, duke qenë një nepërkë e aksioneve të shpejta.

JOQ.al