Gjen iPhone 7 + në Tiranë, djali bën veprimin që askush s’e priste

Gjen iPhone 7 + në Tiranë, djali bën veprimin që askush s’e pristeA. Shehaj

Lajme

Nuk ndodh çdo ditë që në redaksinë tonë të vijnë mesazhe të këtij lloji. S’mund ta mohojmë se mesazhe për sende dhe objekte të humbura, si dhe ato të gjetura vijnë pafund por nuk mund t’i publikojmë të gjitha, pasi është detyrë e policisë për t’u marrë me gjetjen e sendeve të humbura.

Megjithatë, ky rast nuk kishte si të mos na bënte përshtypje. Bëhet fjalë për një djalë, i cili ka gjetur një iPhone 7 Plus dhe më pas e ka dorëzuar atë në polici. Madje, ka publikuar edhe proces-verbalin e mbajtur në komisariat.

Qytetari, i cili as vet nuk ka një celular të teknologjisë së fundit, tregon për JOQ.al se ku dhe si e gjeti aparatin e shtrenjtë.

Ai shprehet:

Kam gjetur një tel sot në rruga e re që është bërë tek unaza, mbi “Komunën e Parisit”! Po e dorëzoj te komisariati i policisë në Farkë! Kush e ka, të më kontaktojë, ta di të paktën që i ka shkuar të zotit në dorë. Nuk e bëra që të kërkoj shpërblim, ndaj emrin tim mos e publikoni”

JOQ.al