Ikën nga trajnimi ushtarak, ja kush janë komandot që dezertuan misionin në Angli

Ikën nga trajnimi ushtarak, ja kush janë komandot që dezertuan misionin në AngliD. Cani

Lajme

Ylber Tokrri, Aleksandër Shkulaku, Klevis Lamkaj dhe Reni Ajazi janë 4 komandot që dezertuan nga trajtimi ushtarak që po kryenin në Angli.

Ata ishin nisur për një trajnim në Londër, por me të mbërritur atje nuk janë parë më. Komandot dyshohet se janë arratisur, sepse nuk janë kthyer në vendin e shërbimit.

Kjo ngjarje ka ndodhur në fund të tetorit, por është mbajtur e fshehtë nga Ministria. Katër ushtarët janë ende duke u kërkuar nga policia britanike.

Pas kësaj arratisjeje të padëgjuar më parë, Shqipëria rrezikon shumë në marrëveshjet me NATO-n, sepse askush nuk mund të marrë përsipër pranimin e ushtarëve nga vendi ynë.

Prokuroria shqiptare ka nisur një hetim, ndërkohë në një reagim lidhur me rastin Ministria e Mbrojtjes deklaroi:

4 efektivë ushtarake, që kanë qenë duke kryer detyrën e tyre jashtë vendit, nuk janë kthyer në Shqipëri pas përfundimit të saj. Sipas “Kodit Penal Ushtarak”, ndaj 4 efektivëve, pranë Prokurorisë së Rrethit, Tiranë është depozituar kallëzim penal “Për dezertim”. Prej disa javësh, çështja është në hetim nga ana e autoriteteve përkatëse".

JOQ.al