“Italiani është me probleme mendore”, Ndocaj jep detaje të reja për atë që do “ta fundosë”

“Italiani është me probleme mendore”, Ndocaj jep detaje të reja për atë që do “ta fundosë”D. Cani

Lajme

Ish-deputeti Eduart Ndocaj ka folur edhe njëherë për sa i përket akuzave për mashtrim, paditur nga një shtetas italian.

Në një lidhje telefonike në “Top Story” me Sokol Ballën, Ndocaj i ka mohuar këto akuza duke thënë se ky shtetas kishte shkuar edhe më herët për të bërë kallëzim por nuk ishte pranuar dhe se kjo ishte hera e tretë.

Balla: Ky shtetas ka thënë në padinë e tij se ju i keni mundësuar një takim me Ramën. A është e vërtetë kjo?

Që ka pasur takim me kryeministrin Rama në Lezhë, ka pasur por unë nuk i kam mundësuar vetëm atij takim.

Balla: Ai thotë se ju e keni mashtruar për makinën tuaj “Audi Q7”?

Makina është me kontratë të rregullt, e noterizuar në Itali dhe do të bëhet publike.

Unë jam ndaluar në Morinë të Kukësit njëherë në Ditën e Pavarsisë, për makinë të vjedhur, u verifikua që kjo nuk ishte e vërtetë dhe u lashë i lirë.

Balla: Dy herë nuk është pranuar, e treta u pranua. Po synohet ndaj jush një sulm politik?

Është dikush që e ka marrë me shumë dëshirë të më sulmojë.

Arsyeja është ajo që unë nuk kam arritur ti bëj karshillëk kryeministrit apo ministrave.

JOQ.al