Krimi në Elbasan, Çako shkarkon 12 drejtorët e lartë

Krimi në Elbasan, Çako shkarkon 12 drejtorët e lartëF. Tenolli

Lajme

Altin Qato, Drejtori i ri i Policisë Vendore Elbasan

Drejtori Madhor i Policisë së Shtetit Haki Çako, ka dalë paraditen e sotme në një konferencë për mediat. Ai foli për situatën e krijuar deri më tani në vendin tonë dhe ngjarjen e Elbasanit.

Pasojë e këtj veprimi, sipas Çakos ka qenë paaftësia e policisë së Elbasanit pasi strukturat përkatëse janë treguar të paafta për menaxhimin e situatës. Personat nuk janë arrestuar dhe nuk janë vënë para drejtësisë në kohën e duhur, kjo ka sjellë dhe shkarkimin e Arben Dashit, drejtorit të policisë Elbasan.

Ai e ka cilësuar ngjarjen e 18 shtatorit në Elbasan ku u godit makina e nëndrejtorit, si cënim të imazhit të policisë.

Çako emëroi drejtorin e ri të policisë së Elbasanit Altin Qato, i cili ka mbajtur postin e mëparshëm të Drejtorit të Përgjithshëm për Rendin dhe Sigurinë në Policinë e Shtetit.

Çako u shpreh se:

Drejtuesit e policisë së Elbasanit janë të paaftë për të drejtuar. Situata është përkeqësuar. Në konstatimin shkeljeve të rënda bazuar në rregulloren e shtetit, kam urdhëruar lirimin nga detyra të 12 shefave të policisë Arben Dashit, drejtorit të policisë. Drejtoria Vendore e Policisë së Elbasanit do t'i nënshtrohet ristrukturimit të plotë nga Altin Qato, drejtorit të ri.

JOQ.al