Merr flakë banesa në Korçë, brenda gjendet një kufomë e djegur

Merr flakë banesa në Korçë, brenda gjendet një kufomë e djegurS. Shtjefni

Lajme

Në orët e para të mëngjesit në fshatin Lekas, Korçë, është djegur një banesë e pabanuar. Sot gjatë kontrollit në këtë banesë, është gjetur një kufomë e djegur plotësisht.

Personi i djegur në këtë ngjarje është ende i pa identifikuar.

Sipas dyshimeve të banorëve, mendohet se mund të ketë qenë një endacak. Shtëpia ka qenë e pabanuar dhe personi i djegur mund të ketë hyrë dhe të ketë ndezur një zjarr, ç'ka mund të ketë shkaktuar djegien e banesës.

Policia është ende duke punuar për zbardhjen e plotë të kësaj ngjarjeje dhe për identifikimin e viktimës.

Deklata e policisë:

Më datë 28.11.2017, jemi njoftuar se në fshatin Lekas- Korçë, gjatë natës është djegur një banesë e pabanuar dhe sot gjatë kontrollit në ambjentet e djegura të kësaj banese, është gjetur një kufomë e djegur plotësisht, ende e pa identifikuar.

Grupi hetimor po punon për identifikimin e kufomës dhe zbardhjen e rrathanave të ngjarjes."

JOQ.al