Ndahet nga jeta në moshë të re reperi i njohur

Ndahet nga jeta në moshë të re reperi i njohur

Ka ndërruar jetë në moshën 21-vjeçare reperi amerikan, Lil Peep. Peep, emri i vërtetë i të cilit është Gustav Ahr ka humbur jetën nga mbidoza me drogë.

Lajmin e ka konfirmuar për mediat edhe menaxheri i tij, Adam Grandmaison. Ai bëri të ditur se Peep u dërgua menjëherë në spital, por fatkeqësisht ishte e pamundur për ta shpëtuar.

Pak orë përpara se të vdiste, 21-vjeçari kishte postuar një video ku shkruante: “Unë jam mirë, nuk jam i sëmurë”.

Lil Peep njihet për këngët “Benz Truck” dhe “Awful Things, por edhe për betejën që kishte me depresionin dhe përdorimin e drogës.

Një lajm i tillë, ka trishtuar fansat e reperit, por jo vetëm. Ai ishte cilësuar nga kritikët si një yll në ngjitje, të cilin e priste përpara një karrierë shumë e ndritur.

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.