Kuriozitete
Në këtë kohë të ditës jeni më së shumti produktive
Përpjekja për të qenë kreativë mund të jetë e vështirë kur ndjeheni të përgjumur dhe të privuar nga kafeina. Ndonjëherë thjesht keni probleme ta nxirrni një ide të mirë nga truri juaj.
Por një studim i vitit 2011, i publikuar në revistën “Thinking & Reasoning”, mund ta ketë sekretin e periudhës më të mirë kur ju prireni të jeni inovativ dhe kreativ, transmeton Telegrafi.
I kryer nga Mareike B. Weith dhe Rose T. Zacks, studimi është përqendruar në atë se si një periudhë e caktuar e ditës ndikon në aftësinë për të zgjidhur problemet e kreativitetit.
‘Proceset frenuese’ e kontrollojnë rrjedhën e informacioneve nga mendimi dhe perceptimi, si dhe ndihmojnë në parandalimin e trurit që të shpërqendrohet.
Weith dhe Zacks, në prezantimin e tyre kanë treguar se proceset frenuese luhaten duke u bazuar në kohën e ditës.
Pas eksperimenteve të ndryshme, shkencëtarët kanë zbuluar se njerëzit mund të jenë të ndarë në dy grupe: në persona të “mëngjesit” dhe në persona të “mbrëmjes”
Por shkencëtarët thonë se njerëzit e mëngjesit janë më të mirë në zgjidhen e problemit gjatë mbrëmjes, ndërsa personat e mbrëmjes janë më kreativë menjëherë pasi të zgjohen nga gjumi.
