Në prag të vizitës së Erdogan, Greqia arreston 9 terroristë

Në prag të vizitës së Erdogan, Greqia arreston 9 terroristëA. Shehaj

Lajme

Policia greke ka realizuar një operacion anti-terror vetëm pak ditë para vizitës së presidentit turk, Rexhep Taip Erdogan, në shtetin grek.

Zyrtarët e policisë kanë kryer hetime në tre shtëpi dhe kanë arrestuar 9 persona, tetë burra dhe një grua turke.

Zyrtarët grekë shprehen se gjatë bastisjes së shtëpive, policia gjeti kavanoza që përmbajnë materiale shpërthyese të paspecifikuara ende, kabllo për t’u lidhur me detonatorë dhe laptopë.

Sipas burimeve të mediave greke, të akuzuarit dyshohen për përfshirje në një organizatë terroriste turke, të ekstremit të majtë, e cila është akuzuar edhe më parë për pregatitje të atentateve me eksploziv.

JOQ.al