Ngjarja që tronditi Kukësin, vrau 16-vjeçarin se i hodhi fjalë kushërirës së tij

Ngjarja që tronditi Kukësin, vrau 16-vjeçarin se i hodhi fjalë kushërirës së tijD. Cani

Lajme

Një ngjarje e rëndë ndodhi mbrëmjen e sotme në qytetin e Kukësit, ky gjatë përplasjes mes dy adoleshentëve, njëri prej tyre ka mbetur i vdekur.

16-vjeçari me inicialet A.M., u godit me thikë nga 17-vjeçari R,M. dhe motivi duket të jetë me të vërtetë tronditës.

Nga informacionet paraprake, bëhet me dije se autori ka patur konflikte të vazhdueshme dy ditët e fundit me viktimën.

Thuhet se 17-vjeçari e akuzonte viktimën se ka ngacmuar kushërirën e tij, duke “i hedhur fjalë” asaj.

Nga ana tjetër, policia ka bërë të mundur arrestimin e 17-vjeçarit dhe priten hetimet për zbardhjen e plotë të ngjarjes.

Njoftimi i policisë:

Pak minuta më parë në shtetitoren e qytetit te Kukësit janë konfliktuar dy shtetas e në konflikt e sipër shtetasi R.M., 17-vjeç, dyshohet se ka goditur me thikë shtetasin A.M, 16 vjeç, banues në Kukës.

I plagosuri është transportuar në spitalin e Kukësit, ku ka gjetur vdekjen.

Falë veprimeve të shpejta, Policia lokale bëri të mundur kapjen e autorit të dyshuar”, bën me dije policia.

Autori është shoqëruar në Komisariatin e Policisë për veprime mëtejshme. Sakaq mësohet se është gjetur dhe sekuestruar thika e dyshuar si e përdorur nga 17-vjeçari R.M..

Grupi hetimor po punon për zbardhjen e plotë të krimit të rëndë.

Foto ilustruese

JOQ.al