“O Selman vëllai, në fund e ha vet”, qesëndia e Ramës në Kuvend

"O Selman vëllai, në fund e ha vet", qesëndia e Ramës në KuvendA. Shehaj

Lajme

Me qesëndi dhe vargje ironizuese e nisi dhe e përfundoi fjalën e tij në kuvend Edi Rama, pas hedhjes poshtë të kërkesës për arrestimin e Saimir Tahirit nga prokuroria.

Ai qesëndisi mirë e mirë opozitën, ndërsa nuk nguroi të thoshte edhe se kush i bën për budallenj shqiptarët, në fund e ha.

Kryeministri, duke parë sallën që po boshatisej, pas largimit të deputetëve të opozitës fill pas përfundimit të fjalës së Lulzim Bashës, u shpreh se ata i dhimbseshin pasi po fundoseshin në llumin e tyre.

Ndër të tjera Rama u shpreh:

O Selman i vëllait, kë të qaj më parë? Ty dhe motrën tonë që na zuri një hall.

Kush i bën shqiptarët për budallenj, në fund e ha. Vazhdoni ti bëni shqiptarët për budallenj se keq e më keq do shkoni e keq e më keq do paguani.

Mua nuk më dhimbsen këta, sepse sa më shumë ta hapin gropën, aq më thellë do t'i fusë ky popull në atë gropë. S'mund të mos më dhimbset urrejtja që po i fundos përditë në llumin e tyre.

Sa më shumë na urrejnë, aq më shumë e humbasin logjikën".

JOQ.al