Kuriozitete
Pas rrëzimit të kërkesës për arrestimin e Tahirit, Lu dhe Vlahutin takim me Bashën
Pas rrëzimit të kërkesës për arrestimin e Tahirit, Lu dhe Vlahutin takim me Bashën
Kreu i Partisë Demokratike Lulzim Basha ka zhvilluar një takim me ambasadorin amerikan në Tiranë Donal Lu dhe ambasadoren e BE-së, Romana Vlahutin.
Takimi, i cili zgjati me pak se 60 minuta, vjen një ditë pas rrëzimit të kërkesës së Prokurorisë për arrestimin e Tahirit.
Takimi u zhvillua në ambientet e zyrës së BE-së në Shqipëri dhe në qendër të bisedimeve mes diplomatëve dhe Bashës është pikërisht çështja e Saimir Tahirit.
Më herët në një dalje për media diplomati amerikan Donald Lu tha se shqiptarët kanë të drejtë të dinë se kush është e vërteta në lidhje me çështjen e Saimir Tahirit.
“Nuk do të ishte e përshtatshme për mua të them nëse Saimir Tahiri është fajtor apo i pafajshëm. Por, është jashtëzakonisht e rëndësishme që ju si drejtues të shoqërisë civile, ju si të rinj dhe ju si qytetarë të Shqipërisë të zbuloni të vërtetën.
E drejta për të ditur të vërtetën nuk i përket asnjë partie politike. I përket qytetarëve të Shqipërisë”, u shpreh Lu. /b.l/noa.al/
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.