Përleshje masive në Zvicër, mes të plagosurve tre shqiptarë

Përleshje masive në Zvicër, mes të plagosurve tre shqiptarë

Një përleshje masive ka ndodhur herët në mëngjes në Lugano të Zvicrës dhe ka përfunduar me shtatë të plagosur me armë të ftohta, tre prej të cilëve shqiptarë.

Mediat vendase bëjnë me dije se ngjarja ka ndodhur natën e së shtunës, duke u gdhirë e diela, ndërsa autori i ngjarjes u arratis menjëherë nga vendi i krimit dhe mbetet i panjohur.

Sipas mediave vendase, një duzinë burrash u përfshinë në mosmarrëveshje. Ndër të plagosurit janë edhe tre italianë dhe një 22 vjeçar zviceran.

Një person i dëmtuar u dërgua në spital me ambulancë, teksa të tjerët pësuan lëndime në krah dhe në këmbë, shkruan albinfo.ch.

Asnjë nga lëndimet nuk është kërcënuese për jetën, tha policia kantonale e Ticino. Edhe motivet e sherrit nuk bëhen ende të ditura. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.