Po i çonte në shtëpi drogën me vlerë 160 mijë euro shokut, ky është shqiptari që e pësoi keq

Po i çonte në shtëpi drogën me vlerë 160 mijë euro shokut, ky është shqiptari që e pësoi keqF. Tenolli

Lajme

Një shqiptar dhe një italian kanë rënë në prangat e karabinierëve pasi iu sekuestrua 31 kg marijuanë në thasë, 850 gr kokainë dhe 25 gr hashash.

Shqiptari i cili u arrestua nga policia italiane është 41-vjeçari Vladimir Kapaj i cili u kap në flagrancë në momentin që po i dorëzonte sasinë e marijuanës bashkëpunëtorit të tij italian 39-vjeçarit Agatino Piano.

Policët ndërhynë në momentin kur panë një Opel Vectra, që drejtohej nga shqiptari në afërsi të banesës së Pianos, që po e priste në rrugë.

Shqiptarit iu gjetën në makinë 3 thasët me marijuanë dhe gjatë kontrollit në banesë iu sekuestrua sasia e lëndës narkotike kokainë.

Vlera e lëndës narkotike sipas mediave italiane, kapte shumën minimale të 75 mijë eurove e mund të shkonte deri në 160 mijë euro në vlerë tregu.

JOQ.al