Prej 10 nëntorit kjo monedhë 500 lekëshe nuk do të jetë më njësoj

Prej 10 nëntorit kjo monedhë 500 lekëshe nuk do të jetë më njësojA. Shehaj

Lajme

Që prej 10 nëntorit të këtij viti dhe në vijim, Banka e Shqipërisë do të hedhë në qarkullim një kartëmonedhë të re me vlerën 500 lekë.

Rishtypja e monedhës është miratuar me vendimin nr. 15, datë 26.02.2014, të Këshillit Mbikëqyrës të Bankës së Shqipërisë, i ndryshuar, në mbështetje të ligjit nr. 8269, datë 23.12.1997 “Për Bankën e Shqipërisë”, i ndryshuar.

Kartëmonedha e re, me vlerë nominale 500 Lekë, ka të njëjtën përbërje, pamje dhe përmasa me kartëmonedhën me vlerë nominale 500 Lekë, emetim i vitit 2007.

Ndryshimi nga emetimi i fundit qëndron tek viti i emetimit i shtypur në trupin e kartëmonedhës, i cili në kartëmonedhën e re do të jetë “2015”, ndryshon firma e Guvernatorit të Bankës së Shqipërisë dhe ajo e drejtorit të Departamentit të Emisionit, ndryshon trashësia e fillit të sigurisë nga 1,5 mm bëhet 2 mm, si dhe drejtshkrimi i fjalëve “SHQIPËRISË” dhe “PESËQIND LEKË”.

JOQ.al