Prokuroria i “bën surprizë” Tahirit: Kemi prova sekrete që s’duhet t’i shikojë Saimiri

Prokuroria i "bën surprizë" Tahirit: Kemi prova sekrete që s'duhet t'i shikojë SaimiriA. Shehaj

Lajme

Teksa ka nisur Mbledhja e Këshillit të Mandateve dhe Imunitetit për çështjen "Tahiri", një kthesë e papritur ka ndodhur në nisje të takimit të filluar në orën 10:00.

Këshilli pritej të dëgjonte mbrojtjen e Tahirit, por tre prokurorët kanë kërkuar seancë me dyer të mbyllura për të paraqitur prova të reja të ardhur nga prokuroria e Leçes. Sipas prokurorëve, Saimir Tahiri nuk duhet të jetë në dijeni të këtyre provave.

Komisionerët duhet të firmosin një deklaratë për ruajtjen e sekretit, pasi të dhënat janë shumë konfidenciale dhe mund të prishin hetimet.

Anëtarët e Partisë Socialiste dje kanë këmbëngulur për paraqitjen e provave konkrete. Dyshohet se ka prova që do të përdoren kundër Saimir Tahirit për heqjen e imunitetit të tij.

Anëtarët e Këshillit të Mandateve do të mblidhen në një seancë pa praninë e mediave dhe me dyer të mbyllura .

Të gjithë anëtarët kanë detyrën të mos nxjerrin asnjë provë në publik, qoftë për palët, qoftë për opinionin publik.

JOQ.al