Rama “lë në baltë” Tahirin: Dua drejtësi mbi të gjithë dhe mbi këdo

Rama "lë në baltë" Tahirin: Dua drejtësi mbi të gjithë dhe mbi këdoG. Hasani

Lajme

Kryeministri Edi Rama ka reaguar me anë të një statusi në faqen e tij Facebook pas kërkesës së Prokurorisë së Krimeve të Rënda drejtuar Kuvendit të Shqipërisë për arrestimin e deputetit, njëkohësisht kreut të Partisë Socialiste të Tiranës, Saimir Tahiri.

Rama duket se ka paralajmëruar votën e tij pro heqjes së mandatit të deputetit Tahiri, kërkesë kjo nga Prokuroria por edhe nga përfaqësues të opozitës. Sipas shkrimit të Ramës në Facebook, ai kërkon që drejtësia të shkojë deri në fund me hetimet e provave.

Rama shkruan se:

E ka vetëm drejtësia që duhet të na e ndriçojë këtë udhëkryq mes llafeve e provave. Deri në fund".

Statusi i Plotë e Edi Ramës:

‪Kur them dua një vend me drejtësi kuptoj vetëm drejtësi! Kur them dua të vërtetën nga drejtësia s’e bëj si ata që veç janë tallur dhe tallen me drejtësinë prej 27 vjetësh rresht! E besoj këtë fjalë megjithë mend dhe luftoj për kuptimin e plotë të kësaj fjale, megjithë zemër. Drejtësi për të gjithë dhe drejtësi mbi këdo.

Uroj që Saimiri të provojë deri në fund që s’ka lidhje me këtë histori kriminelësh. Por këtë dua ta mësoj nga drita e së vërtetës dhe këtë dritë s’e kam as unë, as qeveria, as partia. E ka vetëm drejtësia që duhet të na e ndriçojë këtë udhëkryq mes llafeve e provave. Deri në fund.

JOQ.al