“Ramën e kam pas shok fëmijërie, donte të më joshte”, deputetja e LSI-së tregon refuzimin

"Ramën e kam pas shok fëmijërie, donte të më joshte", deputetja e LSI-së tregon refuziminA. Shehaj

Lajme

Edhe pse pazare të tilla nuk janë të rralla në politikën shqiptare, Nora Malaj deputetja e LSI ka rrëfyer se si Kryeministri Edi Rama ka dashur ta joshë që të braktisë LSI-në dhe të kalonte në grupin parlamentar të PS.

Nora ka thënë sot në emisionin e mëngjesit në "Ora News" se ka refuzuar propozimin e Ramës që në momentin që u vu në dijeni të kësaj ftese.

Gjithashtu Malaj ka zbuluar, se Edi Rama është shoku i saj i fëmijërisë dhe se kanë punuar shumë bashkë, por ka qenë edhe një kundërshtare e flaktë e disa prej vendimeve të tij.

Ish-zv.ministrja e arsimit është shprehur sot:

Rama më ka propozuar të shkoj tek partia e tij, por nuk kam pranuar. Me Ramën kam edhe një lidhje. Unë dhe Edi jemi shokë fëmijërie dhe shokët e fëmijërisë nuk zgjidhen, por i ke. Në këtë raport kam pasur një ndjesi mbështetëse por e kam respektuar në pozicionin e Kryeministrit. Kemi punuar shumë bashkë, më ka dëgjuar edhe kur kam qenë e prerë. Kemi pasur edhe përplasje dhe në disa çështje. Kam qenë kundërshtare e flaktë e tij".

JOQ.al