Rita Ora sërish në telashe, videoja kur boksieri e “prek” në pjesët intime i prish punë

Rita Ora duket se i ka hapur telashe vetes pas publikimit të disa fotove nën shoqërinë e boksierit të njohur Conor McGregor pasi u përfol se po flirtonte me të, ndërkohë që ky i fundit është i martuar dhe baba i një fëmije.

Vetë këngëtarja ka zgjedhur që ta hedhë poshtë këtë aludim duke publikuar një foto me të dashurin e saj, muzikantin Andrew Watt, duke pranuar kështu për herë të parë lidhjen me të.

Por sërish ajo nuk ka dalë nga vorbulla e thashethemeve, pasi një foto e shkëputur nga një video, tregon një moment të nxehtë të boksierit i cili mban në krahë një femër.

Fansat kanë shpërthyer sërish pasi veshja që femra ka, përkon me një që Rita Ora ka postuar pak kohë më parë në rrjete sociale.

Por duket se bëhet fjalë për një ngatërresë dhe se femra në krahët e tij, e kapur në një pozicion të sikletshëm, nuk është Rita Ora.