Sekuestrohet sasi e konsiderueshme droge në një tunel në Tiranë, 7 në pranga

Sekuestrohet sasi e konsiderueshme droge në një tunel në Tiranë, 7 në pranga

Goditet një grup kriminal në Tiranë që merrej me kultivimin dhe trafikimin e lëndës narkotike.

Grupi kriminal është goditur gjatë një operacioni nga Policia e Tiranës.

Lajmi është bërë i ditur nga Drejtori i Drejtorise Vendore te Policise Tirane Ardi Veliu.

Gjatë një komunikate për mediat, Veliu ka thënë se operacioni i koduar “Muzgu” është zhvilluar në Pyllin e Zenelajve ndërmjet Fushë Prezës edhe Valiasit.

Gjatë operacionit mësohet se janë sekuestruar 220 bimë kanabis dhe 146 kg lëndë narkotike kanabis të fshehur në thellësinë e një tuneli.

Ai ka thënë më tej se nga ky operacion kanë rënë në pranga 7 persona, ndërsa 10 të tjerë janë proceduar në gjendje të lirë.

Mes të arrestuarve, 3 prej tyre janë organizatorë, ndërsa 4 janë ndihmës./a.k/noa.al/ www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.