Shqetësohen nga turistët, fokat bien nga shkëmbinjtë gjatë përpjekjeve për ikje (Video)

Prania e madhe e turistëve në Whitley Bay të Anglisë, ka bërë që shumë foka të shqetësohen dhe të bien nga shkëmbinjtë gjatë përpjekjes për ikje.

Ndryshimi i vendbanimit dhe zhurma e tepërt, detyroi shumë grupe të këtyre gjallesa, të pësojnë lëndime derisa provojnë të largohen, transmeton Telegrafi.

“Aktiviteti njerëzor, po iu dëmton mënyrën e jetesës. Prej se është shtuar turizmi, nuk po shumohen si duhet dhe ushqimet e gatshme iu kanë dobësuar shprehitë e gjahut”, thuhet në raport lidhur me rastin.

Vizitorëve iu kërkohet të qëndrojnë sa më larg, të mos iu hedhin ushqim dhe të mbajnë qetësi, sepse fokat mund të kaplohen shpejtë nga paniku.

Pamjet që mund t’i shihni më poshtë, tregojnë disa nga rastet e ikjes, madje edhe nga shkëmbinjtë e thepisur që janë të lartë afro pesë metra. /Telegrafi/