Skandal në Ministrinë e Brendshme/ Kush është zyrtari i lartë që përgjonte me telefon në mbledhje

Skandal në Ministrinë e Brendshme/ Kush është zyrtari i lartë që përgjonte me telefon në mbledhjeF. Tenolli

Lajme

Një zyrtar i lartë në Ministrinë e Brendshme është kapur duke përgjuar mbledhjet që bëheshin brenda këtij institucioni.

Sipas burimeve për TCH nga Prokuroria, Ministria e Bredshme ka bërë një kallëzim për drejtorin e Emergjencave Civile, Xhuvanaq Gjylameti.

Rasti është mbajtur i izoluar për të mos u bërë publik, por sipas burimeve të TCH nga Prokuroria, bëhet fjalë për drejtorin e Emergjencave Civile, Xhuvanaq Gjylameti, i komanduar në krye të Emergjencave Civile.

Gjylameti gjatë një mbledhje në fillim të muajit tetor, ka incizuar me aparatin e tij celular diskutimet.

Të pranishëm në këtë mbledhje kanë qenë edhe drejtorë të tjerë dhe sekretari i përgjithshëm i ministrisë.

Policia e Tiranës dhe sektori për krimet kompjuterike ka bllokuar celularin dhe kompjuterin e tij të punës, në cilësinë e provës materiale.

Dyshohet se ky nuk është rasti i vetëm kur Gjylameti ka tentuar të përgjojë në këtë ministri.

JOQ.al