Sulmuesi i Interit injoron keq Realin: Le t’i bien telefonit, nuk i përgjigjem

Sulmuesi i Interit injoron keq Realin: Le t’i bien telefonit, nuk i përgjigjemK. Demiraj

Sport

Mungesa e golave të Gareth bale, Ronaldos dhe Benzemasë ka bërë që reali të hidhet në sulm për një sulmues të kalibrit botëror që garanton gola pafund.

Sytë janë drejtuar në Serinë A, atje ku sulmuesi më në formë i kampionatit është Mauro Ikardi. Argjentinasi ka arritur të shënojë 15 gola në 14 ndeshje.

Kjo përformancë e tij nuk ka kaluar pa u vënë re nga klubi i Real Madridit.

Gjatë këtyre ditëve është përfolur për një interesim të madrilenëve drejt Ikardit, por ky i fundit ka sqaruar çdo spekullim.

Në një intervistë për “Sky Sport” , Ikardi ka thënë:

“Unë nuk do t’i përgjigjesha nëse do të më telefonin. Ajo që duhet të bëj unë është të jap më të mirën në fushë, pastaj jashtë saj, janë të tjerë persona ata që kujdesen për këto gjëra”, është shprehur Mauro Ikardi.

Ngelet për tu parë në ditët në vijim sesi do të shkojnë gjërat, por shanset për një transferim të tillë, sa vijnë e zvogëlohen.

JOQ.al