Video

Tahiri nuk është i vetmi, njihuni me historitë e trishta të 60-të ministrave të Brendshëm

Publikuar: October 20, 2017

Tahiri nuk është i vetmi, njihuni me historitë e trishta të 60-të ministrave të BrendshëmS. Shtjefni

Lajme

Gjatë këtyre dy ditëve të fundit vëmendja ka qenë e përqendruar e gjitha tek ish-ministri i Brendshëm dhe deputeti Sajmir Tahiri, për shkak të akuzave që e lidhin atë me kartelin e drogës.

Por që nga themelimi i shtetit e deri më sot vendi ynë ka pasur 62 ministra të Brendshëm.

Mes tyre 8 janë vrarë, 8 janë pushkatuar, 5 janë dënuar me vdekje, 3 janë dënuar për gjenocid dhe 1 është arrestuar për krime lufte.

Ndërkohë janë edhe 20 të arrestuar dhe të dënuar për akuza të tjera.

Nga historiku, ministri i Brendshëm në përgjithësi emërohet në detyrë si i spikatur, cilësohet i suksesshëm dhe më pas është akuzuar, arrestuar, dënuar dhe vrarë ose pushkatuar.

Saimir Tahiri është i fundmi i tyre. Gazetari Roland Qafoku bëri publike dje gjatë emisionit “Debati në Channel One” të gjithë listën e ministrave të Brendshëm, kohën e qëndrimit në detyrë por edhe fatin e tyre tragjikë.

Ministrat e brendshëm dhe fati i tyre tragjik

1. Mufid Libohova, (dhjetor 1912-korrik 1913), (gusht 1919-janar 1920) u arrestua.

2. Esad Pashë Toptani, (korrik 1913-gusht 1913) (mars 1914-maj 1914), u vra.

3. Hasan Prishtina, (shtator 1913-nëntor 1913), u vra.

4. Fejzi Alizoti, (nëntor 1913-mars 1914) u pushkatua në 1945.

5. Aqif Biçaku, (maj 1914-shtator1914) iu rrethua shtëpia dhe u detyrua të largohej nga Shqipëria

6. Shahin Dino, (tetor 1914-janar 1916)

7. Mehdi Frashëri, dhjetor 1918-gusht 1919 janar dhe 1921-korrik 1921 u përndoq dhe iu sekuestrua shtëpia dhe të gjitha pronat. Vdiq në Itali.

8. Ahmet Zogu, (janar 1920-nëntor 1920) (dhjetor 1921-mars 1923) u shpall kriminel lufte dhe u dënua me vdekje në mungesë.

9. Xhaferr Ypi, nëntor 1920-janar 1921 u vra gjatë luftës italo-greke.

10. Sulejman Delvina, (korrik 1921-tetor 1921)iu ndalua hyrja në Shqipëri. Vdiq në Vlorë i dënuar të mos jetonte në Tiranë.

11. Bajram Fevziu, (tetor 1921-dhjetor 1921)

12. Luigj Gurakuqi, (6 dhjetor 1921-12 dhjetor 1921) u vra në Bari të Italisë teksa ishte emigrant politik.

13. Rauf Fico, (12 dhjetor 1921-24 dhjetor 1921) (mars 1930-shtator 1930)

14. Sejfi Vllamasi, (dhjetor 1923-mars 1924) u arrestua dhe u dënua me 20 vjet burg.

15. Shefqet Vërlaci, (mars 1924-maj 1924) u përndoq, iu sekuestruan të gjitha pronat. Iu internua familja.

16. Abdurrahman Dibra, (mars 1924-qershor 1924) (shkurt1927-maj1928)

17. Rexhep Shala, (qershor 1924-dhjetor 1924) u përndoq.

18. Kostaq Kotta, (shkurt 1925-prill 1925) (maj 1928-mars 1930) u rrëmbye në Greqi nga Sigurimi i Shtetit, u burgos në burgun e Burrelit ndërtimin e të cilit e firmosi vetë dhe u vra në atë burg.

19. Ceno Kryeziu, (prill 1925-shtator 1925) u vra në atentat në Pragë.

20. Musa Juka, (shtator 1925-shkurt 1927) (nëntor 1930-tetor 1935) (nëntor 1936-prill 1939) u arratis më 6 prill. U shpall kriminel lufte dhe u dënua me vdekje në mungesë.

21. Ethem Toto, (tetor 1935-nëntor 1936) u pushkatua.

22. Zef Kadarja, (8 prill 1939-12 prill 1939) u pushkatua.

23. Maliq Bushati, (prill 1939-dhjetor 1941) u pushkatua.

24. Mustafa Kruja, (dhjetor 1941-janar 1943). U shpall kriminel lufte dhe u dënua me vdekje në mungesë.

25. Eqrem Libohova, (18 janar 1943-23 janar 1943) u shpall kriminel lufte dhe u dënua me vdekje në mungesë.

26. Fiqiri Dine, (janar 1943-shkurt 1943) (korrik 1944-gusht 1944) u arrestua, shpall kriminel lufte dhe u dënua me vdekje në mungesë.

27.Mark gjon Markaj, (shkurt1943-prill 1943) u vra.

28. Kol Bibë Mirakaj, (maj 1943-shtator 1943). U arrestua dhe u pushkatua në gjyqin special.

29. Xhaferr Deva, (nëntor 1943-qershor 1944) u shpall kriminel lufte dhe u dënua me vdekje në mungesë.

30. Ibrahim Biçaku, (shtator 1944-tetor 1944) u arrestua, u dënua me vdekje. Më pas dënimi iu konvertua në burg dhe bëri 20 vjet. Vdiq si pastrues i banjave publike të Elbasanit.

31. Haxhi Lleshi, (tetor 1944-mars 1946) u arrestua për genocid.

32. Koçi Xoxe, (mars 1946-tetor 1948). U pushkatua si armik i popullit dhe i PPSH.

33. Nesti Kerënxhi, (tetor 1948-nëntor 1948) u arrestua dhe u dënua.

34. Mehmet Shehu, (nëntor 1948-korrik1954) u vra në detyrë e kryeministrit.

35. Kadri Hazbiu, (korrik 1954-dhjetor 1979) u pushkatua.

36. Feçorr Shehu, (prill 1980-janar 1982) u pushkatua.

37. Hekuran Isaj, (korrik1982-shkurt 1989) (korrik 1990-shkuirt 1991) u arrestua dhe u dënua për genocid.

38. Simon Stefani, (shkurt 1989-korrik 1990) u arrestua dhe u dënua për genocid.

39. Gramoz Ruçi, (shkurt 1991-maj 1991) u vu nën akuzë për ngjarjet e 2 prill 1991 por nuk iu vërtetua asnjëherë.

40. Hajredin Shyti, (maj 1991-qershor 1991) u arrestua dhe dënua për ngjarjen e 2 prillit 1991.

41. Bajram Yzeiraj, (qershor 1991-dhjetor 1991)

42. Vladimir Hysi, (dhjetor 1991-prill 1992)

43. Bashkim Kopliku, (prill 1992-prill 1993)

44. Agron Musaraj, (prill 1993-korrik 1996)

45. Halit Shamata, (korrik 1996-mars 1997) u arrestua në gusht 1998 me akuzën më të rëndë për krime kundër njerëzimit por pasi disa javësh në qeli u çlirua për mungesë provash.

46. Belul Çelo, (mars 1997-korrik 1997) u vu nën akuzë

47. Ali Kazazi, (4 korrik 1997-25 korrik 1997)

48. Neritan Ceka, (korrik 1997-prill 1998)

49. Perikli Teta, (prill 1998-shtator 1998) u arrestua në sallën e gjyqit.

50. Petro Koçi,(tetor 1998-maj 1999)

51. Spartak Poçi, (maj 199-nëntor 2000)

52. Ilir Gjoni (nëntor 2000-janar 2002)

53. Stefan Çipa (shkurt 2002-korrik 2002)

54. Luan Rama (korrik 2002-tetor 2003)

55. Igli toska (dhjetor 2003-shtator 2005)

56. Sokol Olldashi (shtator 2005-janar 2007)

57. Bujar Nishani (mars 2007-shtator 2009) (prill 2011-qershor 2012)