Tahiri publikoi dokumentin nga Catania, deputeti i PD-së e ironizon dhe Alibeaj i sulet Ramës

Tahiri publikoi dokumentin nga Catania, deputeti i PD-së e ironizon dhe Alibeaj i sulet RamësS. Bardhi

Lajme

Daljen e sotme publike Saimir Tahiri ka treguar një dokument të siguruar nga Prokuroria e Catanias ku thuhej:

Ju komunikojmë se për shtetasin Saimir Bashkim Tahiri i datëlindjes 30/10/1979, lindur në Tiranë, nuk ekziston asnjë regjistrim procesi hetimor.”

Fill pas mbylljes së konferencës për mediat të Tahirit ka reaguar deputeti demokrat, Edi Paloka dhe Enkelejd Alibeaj.

Edi Paloka ka shkruar në Facebook:

Nga keto letrat qe po tund Tahiri, moren dhe Roshi i Kavajes dhe nje pjese e te inkriminuarve te tjere te Rames, madje edhe kur kishin qene te denuar e jo thjesht te hetuar…

Ky, Tahir Habilaj , duhet te pyesi Ramen ( se keshtu sqarohet dhe publiku);

Pse e largoi nga minister?

Pse me gjithe se ishte “ministri me i suksesshëm “ dhe me gjithe “suksesin” ne zgjedhje , nuk e vuri me ne listen e ministrave?

Pse e perjashtoi nga grupi parlamentar ? Rama di ndonje gje me shume apo nuk di asgje per kete ceshtje?Shume shpejt shqiptaret do marrin me shume se keto pergjigje pavarsisht ka apo jo vullnet Rama ta bej nje gje te tille."

Ndërsa Alibeaj tha:

Prokuroria e Catanias nuk mund të hetojë një ministër shqiptar, këtë e ka për detyrë Prokuroria e Krimeve të Rënda shqiptare.

Me provat që kemi nga Catania kundër Tahirit, çdo shqiptar do të ishte në burg, por jo Saimiri, sepse është i mbrojtur.

Edi Rama ka nisur një sulm të paprecent ndaj Prokurorisë shqiptare, pra një sulm frontal.

Ai i dha kohë Tahirit për të pastruar shtëpinë dhe për të pastruar provat.”

JOQ.al