Ulërima dhe të bërtitura: Merr flakë tavolina në ditëlindjen luksoze të Françeska Jaçes

Mbrëmë Françeska Jaçe festoi ditëlindjen mes miqsh në një darkë, ku të ftuar ishin edhe Enca, Zaimina, Olti Curri e të tjerë personazhe të njohur. Por mesa duket Françeskën e ka kapur syri i keq dhe dje ka ndodhur diçka e papritur.

Enca ka publikuar disa pamje ku shihet se trëndafilat e vendosur në tavolinë kanë marrë flakë.

Ka qenë opinionisti Olti Curri që ka nxituar të shuajë flakët duke i hedhur gotën me ujë ndërsa në videon e postuar nga Enca dëgjohen ulërima dhe të bërtitura nga personat që ndodheshin në tavolinë.

Pavarësisht këtij incidenti, pasi flakët janë shuar, festa ka vazhduar normalisht deri në orët e vona.