Vodhi gruan e zyrtarit të policisë, “e tmerrshmja” Rozalina godet sërish dy ditë pasi doli nga burgu

Vodhi gruan e zyrtarit të policisë, “e tmerrshmja” Rozalina godet sërish dy ditë pasi doli nga burguD. Cani

Lajme

Vetëm një vit më parë ajo u dënua nga gjykata e Tiranës me 1 vite e 6 muaj burg për vjedhjen e gruas së ish-drejtorit të Policisë, Ardian Çipa.

Rozalina Konomi, ka goditur sërish, dy ditë pasi ka dalë nga burgu.

Ajo është kthyer në makthin e grave, pasi ajo shfrytëzon momente kur ato janë të pakujdesshme dhe menjëherë ndërhyn, duke i vjedhur çantat e dorës apo portofolat.

Vetëm dy ditë më parë, Konomi ka vjedhur çantën e dorës dhe një telefon “Iphone 6” të Vera Gashi.

Kjo e fundit ka qënë duke pirë kafe, kur ka vënë re se i mungonte çanta e dorës.

Menjëherë ajo ka denoncuar vjedhjen në stafin e sigurisë së qendrës, të cilët në kohë rekord kanë monitorua kamerat e sigurisë dhe kanë konstatuar gruan që kishte vjedhur çantën.

Pas verifikimeve, rezulton që hajdutja e frikshme të ketë qenë Rozalina, e liruar nga burgu dy ditë më parë.

Një vit më parë viktimë e saj është bërë bashkëshortja e ish-funksionarit të lartë të policisë Ardian Çipa, të cilës i vodhi nga çanta një sasi lekësh.

JOQ.al