Zvicra ju paguan nëse bëheni banor i qyteti piktoresk, 60.000 dollarë për çdo familje

Zvicra ju paguan nëse bëheni banor i qyteti piktoresk, 60.000 dollarë për çdo familjeS. Bardhi

Lajme

Qyteti i Albinen në Kantonin Zviceran të Valais është një nga shumë qytetet malore zviceranë që po kërcënohet me zhdukjen e popullsisë, pasi një numër i madh banorësh po largohen nga zona.

Albinen, i vendosur në një luginë të mrekullueshme në një lartësi prej 1.300 metra mbi nivelin e detit, është një qytet tipik malor me kishën e tij dhe arkitekturën tradicionale Valais.

Sipas kryetarit të komunës Beat Jost qyteti karakterizohet nga qetësia e tij, pikëpamjet fenomenale, cilësia e jashtëzakonshme e ajrit dhe shumë orë të lira gjatë gjithë vitit.

Qyteti është vetëm 4 kilometra larg nga qyteti Leukerbad dhe kryeqyteti i Kantonit të Sionit dhe po ashtu qyteti industrial i Visp është vetëm 35-minuta larg me makinë. Qyteti është zbrazur gjatë viteve për shkak të mungesës së vendeve të punës.

Jost tha se në vitet e fundit komuna kishte parë që tre familje u larguan duke i detyruar ata të mbyllnin shkollën e fshatit.

Në ditët e sotme, vetëm 240 persona kanë mbetur në Albinen, mes të cilëve shtatë fëmijë që duhet të shkojnë me autobus në qytetet e afërta për të ndjekur shkollën.

Për të ndryshuar prirjen, Jost tani po kërkon njerëz kryesisht nën moshën 45 vjeçë për t’u shpërngulur në këtë qytet si banor i rregullt.

Në muajin gusht banorët e mbetur filluan të ankohen dhe nënshkruan një peticion që kërkonte të ndërmerreshin masa.

Komuna e Albinen adresoi shqetësimet e qytetarëve dhe erdhi me një plan për subvencione aktive të strehimit që përfshijnë kontribute fikse financiare për individë, çifte dhe familje që shkojnë në Albinen.

Sipas nismës, e cila do të votohet nga këshilli bashkiak më 30 nëntor, përfitimet janë menduar për të gjithë nën moshën 45 vjeç që dëshirojnë të ndërtojnë, blejnë ose rinovojnë një shtëpi në qytet.

Nëse këshilli bashkiak e pranon planin, çdo i rritur mbi moshën 45 vjeç do të marrë 25,000 franga zvicerane (18,992 funte) gjithashtu secili fëmijë i tij apo saj do të paguhet me 10,000 franga zvicerane (£ 7,597).

Do të thotë që një çift me dy fëmijë do të merrte 70,000 franga zvicerane (£ 53,188) nëse vendosin të bëhen banorë të këtij qyteti.

Megjithatë, ka disa rregulla që njerëzit duhet të ndjekin për të marrë subvencionet.

Jost tha:

Kushdo që largohet nga qyteti përsëri brenda 10 viteve nga koha kur fillon të banojë këtu, atëherë ai duhet të paguajë paratë që i detyrohet komunës.”

Kryetari i komunës së Albinen, Jost është i sigurt se iniciativa e qytetit të tij është e drejtë dhe do të pranohet nga këshilli bashkiak.

Ai tha se si rezultat i gjithë komunitetit do të përfitonte nga taksat shtesë, dyqani i fshatit nga më shumë konsumatorë, industria lokale përmes kontratave të ndërtimit dhe klubet shoqërore të qytetit nga të rinjtë që do të angazhoheshin në jetën tradicionale të fshatit./Përshtati JOQ.al nga Daily Mail.

JOQ.al